Një studente ka përjetuar një t.merr kur është zgjuar dhe ka parë që koka e saj kishte marrë formën e një llambe. Estelle, 19 vjeç vetëm një ditë më parë kishte lyer flokët e saj me bojë të zezë, por tentativa për t’u kthyer nga bjonde në brune rezultoi me pasoja katastrofike, shkruan “Le parisien”.

Studentja u dërgua në spital, ku mjekët i thanë se kishte ndodhur për shkak të një reaksioni që kishte ndaj lëndës para-fenilenediamin (PPD). PPD gjendet në 90% të bojërave të flokëve, por përqendrimi i kësaj lënde është kufizuar me ligj në vitin 2013.

Estelle kishte alergji ndaj kësaj lënde dhe si fillim kishte pasur kruajtje. Por nuk i ka kushtuar rëndësi dhe pasojat janë zmadhuar gjatë kohës që ajo flinte. Kështu që kini parasysh t’i kushtoni vëmendje testit paraprak të rekomanduar, pasi mund të përfundoni në një gjendje të tillë.