49% e opinionit publik, ka një mendim pozitiv për punën e Fatmir Xhafajt, në krye të Ministrisë së Brendshme.

Sipas ”FBA Poll”, 19% e opinionit kanë shprehur një qëndrim neutral dhe 32% thonë se ministri Xhafaj ka bërë një punë negative. Eduard Zaloshnja thotë se sondazhi u krye me 1188 të anketuar në rang kombëtar.

“Rreth 49% e banorëve të Shqipërisë, të moshës 18 vjeç e lart (përkthyer në shifra numrore, mbi 1 milion të rritur), kanë opinion pozitiv për punën e Ministrit të Brendshëm, Fatmir Xhafaj.

Rreth 19% (rreth 400 mijë të rritur) kanë opinon neutral, ndërsa rreth 32% (rreth 670 mijë të rritur) kanë opinion negativ (shihni grafikun shoqërues).

Thënë ndryshe, 2/3 e banorëve të rritur kanë opinion pozitiv ose neutral për punën e ministrit Xhafaj, ndërsa 1/3 ka opinion negativ.

Këto rezultate i kam llogaritur përmes ekstrapolimit të të dhënave të sondazhit elektronik të rradhës, në serinë e sondazheve që kam zhvilluar kohët e fundit për revistën Follow Business Albania, e cila publikohet nga firma CROSG®.

Sondazhi u krye me 1188 të anketuar në rang kombëtar, për ta përfaqësuar popullsinë e Shqipërisë sa më mirë, demografikisht dhe politikisht. Maksimumi i marzhit të gabimit statistikor për këtë sondazh ishte plus/minus 3%”, shprehet Eduard Zaloshnja.