Duket si një përrallë, por është e vërtetë.

Në një shtëpi në fshatin Tuluzë të Francës, një burrë ka gjetur atë që mendohet se është piktura e fundit e Karavaxhos.

Ai kishte hipur për të riparuar një çarje të çatisë, por ka gjetur pikturën “Giuditta e Oloferne”.

Sipas “La Stampa” piktura është zbuluar në prill të 2014-ës, por është bërë e ditur vetëm ditët e fundit.

Në atë shtëpi jetojnë pasardhësit e një ish-zyrtari të lartë të kohës së Bonapartit, ndërsa ekspertët francezë të veprave të artit janë të bindur se ajo është autentike.

Gjithsesi, njohësit e artit italian nuk nxitohen, madje dyshojnë se ky është një imitim i shkëlqyer.

Piktura i është besuar muzeut të Luvrit, i cili po e studion për të dhënë përgjigjen përfundimtare.

Nëse vërtetohet autenticiteti i kësaj vepre, shteti francez do t’i paguajë familjes që e gjeti një shumë prej 100-120 milionë euro.