Emisioni investigativ “BOOM” ka sjellë një dëshmi tronditëse të një fermeri për produktet bujqësore që konsumojmë. Ai pohon se domateve dhe kastravecave i bëjnë hormone ose i lyejnë në mënyrë që produkti të rritet dhe të piqet shpejt. Fermeri thekson se brenda 24 orëve domatja skuqet dhe shkon direkt për konsumim.

“Trangujt, ne i tresim urenë atje dhe hedhim në darkë dhe të nesërmen mbrëma ne e vjelim. Spinaqin nuk e ha dot, ku kemi më kontroll ne. Ne e pjekim me zor domaten. Pse pak po vdesim ne”, shprehet fermeri.

Biseda e plotë:

Gazetarja: Janë të shtrenjta këto helme për domaten?

Fermeri: Pak të shtrenjta por ja vlen, se nuk e pjek dot ti.

Gazetarja: Ajo domatja që i hedhin këtu hormone…

Fermeri: Është keq edhe kjo që lyen kokrra, është tjetër ajo me hormone. I kapim kokër më kokër dhe i bëjmë me petrogaz.

Gazetarja: Po nga ministria e Bujqësisë nuk vijnë ekspertë?

Fermeri: Po ku janë? Mua nuk më ka ardhur njeri te sera.

Gazetarja: Po domatja për sa kohë bëhet kur i hedh këtë hormonin?

Fermeri: Brenda 24 orëve skuqet e gjitha. Kur e pret domaten ti jashtë është e kuqe, brenda është me fara të bardha

Gazetarja: Po si ta dalloj?

Fermeri: Hape, po ti këtë me farat jeshile mos e merr.