Pas ndarjes me këngëtaren, ish-bashkëshorti i Eneda Tarifës flet për tradhtinë


Ndarja e këngëtares Eneda Tarifa nga bashkëshorti i saj pak kohë më parë krijoi mjaft impakt dhe u përfol shumë nga mediat. Motivet e ndarjes asnjëherë nuk u mësuan dhe të dy kanë vendosur të mos flasin për këtë çështje.

Ish bashkëshorti i saj me të cilin ka edhe një vajzë ishte, Erjon Zaloshnja ishte i ftuar në emisionin “In radio”, ku foli për projektet e tij në muzikë, por pa prekur jetën e tij personale. Moderatorja i drejtoi një pyetje lidhur me tradhtinë:

“Sipas një sondazhi, njerëzit që punojnë natën kanë më shumë mundësi të tradhtojnë, si mendon ti?”.

Përgjigja e tij të linte të kuptonte, ndarja e tyre nuk ka pasur lidhje me tradhtinë. Sipas tij, nuk ka lidhje nata apo dita me tradhtinë, mjafton që personi të jetë i qëndrueshëm emocionalisht.