/Lajm i fundit: Emërohet ambasadori i BE që do ‘ua mbledhë’ politikanëve shqiptarë, i rreptë, disiplinar dhe…(Foto)

Lajm i fundit: Emërohet ambasadori i BE që do ‘ua mbledhë’ politikanëve shqiptarë, i rreptë, disiplinar dhe…(Foto)

“Ndërkohë është emëruar ambasador i BE dhe pritet të vijë në Shqipëri nga Brukseli, autori që ka shkruar të gjitha ligjet tona të vetingut. Doktrinar i rreptë juridik, dhe personalitet në jurisprudencë, që sigurisht se po vjen në Tiranë që të përfundojë segmentin e fundit të implementimit ligjor të Reformës në Drejtësi”, kështu shkruan Spartak Ngjela në një postim të bërë në Facebook.

Edhe pse mandati i ambasadores së BE-së, Romana Vlahutin, zyrtarisht mbaron në gusht të vitit 2018-të, Ngjela shkruan se “Vlahutin ka dhënë një kontribut të çmuar për çlirimin e shqiptarëve nga zgjedha njëzetvjeçare e korrupsionit kryeministror në Shqipëri”, por ka lajmëruar kështu edhe zëvendësimin e saj.

Statusi i plotë:

Sot gjykata e Shkupit dënoi 2 vjet burg ish kryeministrin maqedonas Gruevski.
Akuza u mbështet në blerjen e paligjshme, si kryeministër, të një automobili më çmim 600 000 Euro.

Këtu te ne kjo lloj blerje është një gjë normale për korrupsionin kryeministror shqiptar. Por mos mendoni që nuk është hetuar.
Të gjitha janë hetuar.
Akuzën Gruevskit ia ka ngritur Prokuroria Speciale e cila shumë shpejt do të fillojë edhe në Shqipëri nga funksionimi i saj.

Dhe procesi, jo vetëm që do të shpejtohet, por edhe do të ashpërsohet profesionalisht nga ndërkombëtarët.
Ndërkohë është emëruar ambasador i BE dhe pritet të vijë në Shqipëri nga Brukseli, autori që ka shkruar të gjitha ligjet tona të vetingut.
Doktrinar i rreptë juridik, dhe personalitet në jurisprudencë, që sigurisht se po vjen në Tiranë që të përfundojë segmentin e fundit të implementimit ligjor të Reformës në Drejtësi.

Sigurisht që këtu, është vendi të theksohet se edhe zonja Vlahutin, ka dhënë një kontribut të çmuar për çlirimin e shqiptarëve nga zgjedha njëzetvjeçare e korrupsionit kryeministror në Shqipëri. Ajo tashmë është një personalitet ndërkombëtar që ka hyrë në historinë e Shqipërisë, siç kanë hyrë dhe shumë figura të tjera ndërkombëtate para saj.