Në intervistën me gazetarët e ‘wiwibloggs’, Ermal Meta dhe Fabrizio Moro kanë treguar për gjithë eksperiencën e tyre në rrugëtimin në Eurovision dhe se si ndodhi bashkëpunimi. “Ti ke lindur në Shqipëri dhe shqiptarët janë shumë të entuziazmuar që ti je në Eurovision. A e ndjen këtë dashuri?”- pyet gazetari Ermalin.

Dhe Ermali përgjigjet duke thënë se: “Po, e kam ndjerë këtë dashuri. Kam jetuar atje 37 vite më parë dhe e kam lënë 24 vite më parë. Dhe kur ke rrënjë të forta dhe kudo që të rritesh ato rrënjë janë aty,”- shprehet Ermal Meta.

Shikoni videon duke ḳIiḳüar më poshtë.

Ndërkohë në një video tjetër, Ermali pyetet edhe për Elenin dhe si i ka marrëdhëniet me të: “Ti je shqiptar, dhe shumë shqiptarë në të gjithë botën janë shumë të lumtur për ju dhe që jeni tre shqiptar në finale. A ke pasur ende mundësi të takohesh me Elenin?”

Ermali ka dhënë një përgjigje me të qeshur por që nënkupton s e eka pëlqyer shumë Elenin dhe se nuk i dihet asgjëje. “Po jam takuar me Elenin, para dy ditësh. Ajo është një këngëtare e mirë dhe shumë seksi. Ajo po rri në hotelin tim, nuk i dihet asnjëherë,”- është shprehur Ermali, duke shtuar më pas që po bën shaka.

Ndërkohë që vazhdon me rrëfimin për historinë në Shqipëri, gjatë kohës që jetonte në Fier, Ermali ka treguar se duke qenë se ai është larguar nga Shqipëria pak më i madh se Eleni mban mend çdo gjë. Dhe gjithashtu ka treguar që e ka marrë malli të kthehet në qytetin e tij.

(Këtë mund ta shihni në minutën 10:52)