/Dalin pamjet, brenda shtëpisë super luksoze të Florjan Binaj

Dalin pamjet, brenda shtëpisë super luksoze të Florjan Binaj

Florjan Binaj është një prej aktorëve të humorit më të famshëm në Shqipëri, i cili prej vitesh e ka argëtuar publikun me rolet e tij të shumta në “Portokalli”. Përsa i përket jetës private, Florjani është i martuar me bashkëshorten e tij Sadinën, me të cilën ka dy fëmijë, vajzën Krena dhe vogëlushin Glauk.

Florjani është vazhdimisht shumë aktiv në profilin e tij në Instagram, ku shpeshherë hedh edhe foto me fëmijët e tij. Ditën e sotme, aktori ka publikuar një foto të vajzës, e cila shihet e shtrirë në tokë teksa shikon kukullat.

Në sytë e fansave ka spikatur arredimi i veçantë i shtëpisë së aktorit, ku mbizotëron ngjyra e bardhë dhe një faqe e murit, e cila është e ndërtuar me pllaka. Dhoma përreth është e mbushur me lodrat e fëmijëve që qëndrojnë në tokë, ashtu siç duket çdo shtëpi që ka fëmijë.